Քրդերը խնդրում են Ռուսաստանին նպաստել Ժնևի համաժողովում իրենց մասնակցությանը
Քրդերը խնդրում են Ռուսաստանին նպաստել Սիրիայի հարցով Ժնևի համաժողովին իրենց մասնակցության ապահովմանը, Մոսկվայում մամուլի ասուլիսի ժամանակ հայտարարել է «Դեմոկրատական միություն» կուսակցության ներկայացուցիչ Ասյա Աբդալլան։
«Մեր առաջին ցանկությունը, որ Ռուսաստանն օգտագործի իր ազդեցությունը, որպեսզի պարտադիր ներառի քրդական կողմին Ժնևի բանակցությունների մասնակիցների կազմում»,- ասել է նա։
Մոսկվան բազմիցս հայտարարել է միջսիրիական երկխոսությանը քրդերի մասնակցության անհրաժեշտության մասին, ինչին դեմ է Թուրքիան։
