«Հայաստանի ԱԳՆ ղեկավարը կայցելի Ռուսաստան՝ Լավրովի հետ բանակցությունների». ՌԴ ԱԳՆ
Փետրվարի 21-22-ին Հայաստանի արտգործնախարար Էդվարդ Նալբանդյանը կայցելի Ռուսաստան՝ Ռուսաստանի արտաքին քաղաքական գերատեսչության ղեկավար Սերգեյ Լավրովի հետ բանակցությունների նպատակով։ Այս մասին, ինչպես հայտնում է TASS-ը, այսօր կայացած ճեպազրույցի ժամանակ հայտնել է ՌԴ ԱԳՆ պաշտոնական ներկայացուցիչ Մարիա Զախարովան:
«Այցը կդառնա հայ-ռուսական հագեցած երկխոսության շարունակությունը՝ ուղղված քաղաքական, առևտրատնտեսական և մարդասիրական ոլորտներում դաշնակցային համագործակցության հետագա զարգացմանը»,- հայտարարել է Զախարովան։
«Բանակցությունների ընթացքում պլանավորվում է քննարկել երկկողմ համագործակցության և արդիական արտաքին քաղաքական գերատեսչության հագեցած հարցեր, այդ թվում՝ Լեռնային Ղարաբաղի հակամարտության կարգավորումը:
Հատուկ ուշադրություն է դարձվելու ընդհանուր ինտեգրացիոն միավորումների և այլ միջազգային կազմակերպությունների շրջանակներում փոխգործակցության խնդրին»,- ասել է Զախարովան։
