Հաթայում թուրքական ուժերի և PKK-ի մարտիկների միջև բախումներ են տեղի ունենում
Թուրքիայի Հաթայի նահանգում թուրքական զինված ուժերի կողմից Քրդստանի բանվորական կուսակցության (PKK) մարտիկների դեմ ուղղված գործողությունների ժամանակ բախում է տեղի ունեցել: Այս մասին հայտնում է թուրքական hurriyet.com.tr-ն:
Հաթայի նահանգապետ Էրդալ Աթայի փոխանցմամբ` բախման արդյունքում մեկ թուրք սերժանտ է սպանվել:
«Մի քանի ամիս է PKK-ի դեմ ուղղված հետախուզական գործողություններ են ընթանում, սակայն առաջին անգամն է, որ այսպիսի ուժգին բախում է տեղի ունենում, ներկայումս էլ մարտերը շարունակվում են և մեր տեղեկությունների համաձայն՝ էլի զոհեր ունենք»,- ասել է նահանգապետը:
Թուրքիայի զինված ուժերի գլխավոր շտաբը պաշտոնապես հայտնել է Հաթայում դեռևս մեկ սերժանտի սպանվելու մասին:
