Սամարայում 8 կգ հայկական մեղր է ոչնչացվել
Սամարայի «Կուրումոչ» օդանավակայանում Հայաստանի քաղաքացիներից առգրավվել է 8 կգ բեռ, որը չի ունեցել ուղեկցող փաստաթղթեր, այդ թվում՝ մեղր։
Այս մասին հայտնում է Rusarminfo-ն՝ վկայակոչելով «Ռոսսելխոզնադզորի» շրջանային վարչության մամուլի ծառայությանը։
«Հայաստանի քաղաքացիները փորձել են անցկացնել 6.55 կգ մեղր և մեղվաբուծության արտադրանքներ։ Բեռներն արգելվել է մուտք գործել Ռուսաստանի տարածք, դրանք ոչնչացվել են»,- ասվում է հաղորդագրության մեջ։
