«Բաքվի և Թբիլիսիի համագործակցությունը ԵՄ-ի հետ նոր հնարավորություններ է բացում». Վրաստանի արտգործնախարար
Ադրբեջանի և Եվրամիության միջև բանակցությունների սկիզբը ԵՄ-ի հետ ռազմավարական գործընկերության նոր համաձայնագրի նախագծի վերաբերյալ, նոր հնարավորություններ է ստեղծում Բաքվի և Թբիլիսիի միջև համագործակցությունների համար, հայտարարել է Վրաստանի արտգործնախարարը Բաքվում կայացած ճեպազրույցի ժամանակ։
«Ադրբեջանի և Վրաստանի համագործակցությունը ԵՄ-ի հետ երկու երկրների միջև նոր հնարավորությունների հաստատմանն է ծառայում»,- ասել է Ջանելիձեն, որի խոսքերը մեջբերում է «Գրուզիա օնլայնը»։
Նրա կարծիքով՝ դա նոր հնարավորություններ կստեղծի Բաքվի և Թբիլիսիի միջև համագործակցության համար։
Ջանելիձեն հավելել է, որ Թբիլիսին մի շարք առաջարկներ ունի տարածաշրջանի իր գործընկերների համար՝ ուղղված կայունության հաստատմանը։
