Իլհամ Ալիևն ու Միխայիլ Ջանելիձեն քննարկել են երկու երկրների համատեղ տրանսպորտային և էներգետիկ նախագծերը
Ադրբեջանի նախագահ Իլհամ Ալիևն ընդունել է պաշտոնական այցով Բաքվում գտնվող Վրաստանի արտգործնախարար Միխայիլ Ջանելիձեին, հայտնում է «Գրուզիա օնլայնը»՝ վկայակոչելով Վրաստանի արտաքին գերատեսչության մամլո հաղորդագրությանը։
Հաղորդվում է, որ հանդիպմանը կողմերը քննարկել են Վրաստանի և Ադրբեջանի բարիդրացիական-ռազմավարական հարաբերությունները։
«Բացի այդ՝ զրուցակիցները քննարկել են տարածաշրջանային համագործակցության խորացման հարցեր, այդ թվում՝ Ադրբեջանի մասնակցությունը համատեղ տրանսպորտային և էներգետիկ նախագծերում։
Կողմերը պայմանավորվել են շարունակել սերտ համագործակցությունը հարավային տրանսպորտային միջանցքի զարգացման ուղղությամբ, որի մաս է հանդիսանում «Բաքու-Թբիլիսի-Կարս» երկաթուղային ճանապարհը։
Նշվել է այդ նախագծի կարևորությունը տարածաշրջանի զարգացման համար։
Բացի այդ՝ զրուցակիցները քննարկել են երկու երկրների համագործակցությունը ԵՄ «Արևելյան գործընկերություն» նախագծի շրջանակում։
