Սահակաշվիլիի կուսակցության անդամները փորձել են ներխուժել Թբիլիսիի քաղաքապետարան
Վրաստանի նախկին նախագահ Միխայիլ Սահակաշվիլիի «Միացյալ ազգային շարժում» կուսակցության մի քանի տասնյակ անդամ փակել է Թբիլիսիի քաղաքապետարանի մուտքն ու փորձել ներխուժել շինություն՝ պահանջելով քաղաքապետ Դավիթ Նարմանիայի հետ հանդիպում, հայտնում է RIA Novosti-ն։
Պարեկային հսկողություն իրականացնող ոստիկանները ուժեղացրել են քաղաքապետարանի պահպանությունը։ Տեղի են ունեցել բախումներ ոստիկանների ու ցուցարարների միջև։
Ակցիայի մասնակիցները բողոքում են Վերաքննիչ դատարանի դատավոր Նատա Նազգաիձեի ընտանիքին 1 մլն լարի (մոտ 300 հազար դոլար) փոխհատուցում հատկացնելու վճռի դեմ, որը քննել է ընդդիմադիր «Ռուսթավի-2» հեռուստաալիքի գործը։
Ցուցարարները Նարմանիային մեղադրել են կոռուպցիայի մեջ՝ պահանջելով գումարը վերադարձնել Թբիլիսիի բյուջե և քաղաքապետի հրաժարականը։
Անցած շաբաթ «Միացյալ ազգային շարժում» կուսակցության անդամները բողոքի երթ էին անցկացրել ի պաշտպանություն «Ռուսթավի-2» հեռուստաալիքի։
