1.5 տարում առաջին անգամ դոլարի փոխարժեքը նվազել է 58 ռուբլուց

Ռուբլու փոխարժեքը դոլարի և եվրոյի նկատմամբ նորացրել է 1.5 տարվա առավելագույն մակարդակը ռուսական ակտիվների նկատմամբ ներդրողների հետաքրքրության աճի ֆոնին carry trade-ի շրջանակում։

Դոլարի փոխարժեքը այսօր՝ Երևանի ժամանակով ժ. 11.28-ի դրությամբ նվազել է 0.14 ռուբլով՝ մինչև 58.1 ռուբլի, եվրոյի փոխարժեքը՝ 0.15 ռուբլով՝ մինչև 61.80 ռուբլի, հայտնում է Մոսկվայի բորսան։

Ընդ որում՝ աճուրդն սկսվելուց ի վեր դոլարն արդեն նվազել է մինչև 57.9625 ռուբլի, եվրոն՝ մինչև 61.32 ռուբլի, ինչը նվազագույնն է 2015թ. հուլիսի և հունիսի նկատմամբ համապատասխանաբար։

Վերլուծաբանները դրական դինամիկան բացատրում են նրանով, որ աշխարհաքաղաքական ռիսկերը ներդրողների համար, որոնք ցանկանում են գումար ներդնել ռուսական տնտեսությունում, նվազում են։