Շտայնմայերը մտադիր է երկխոսություն որոնել Ռուսաստանի և ԱՄՆ-ի հետ
Գերմանիայի նորընտիր նախագահ Ֆրանկ-Վալտեր Շտայնմայերը մտադիր է երկխոսություն որոնել Ռուսաստանի և ԱՄՆ-ի հետ։ Այս մասին նա հայտարարել է գերմանական ZDF-ի եթերում, հայտնում է DW-ն։
Քաղաքական գործիչը նշել է, որ ներկայումս ձևավորվում է «միջազգային հարաբերություններ նոր կարգ», զարգանում են նոր հարաբերություններ Մոսկվայի և Վաշինգտոնի միջև, որոնց ընթացքը դժվար է գուշակել։
Հարցին, թե արդյոք նա պատրաստվում է, ի տարբերություն իր նախորդի՝ Յոհակիմ Գաուկի այց կատարել Ռուսաստան, Շտայնմայերը պատասխան չի տվել, սակայն ասել է, որ չի կարելի հրաժարվել երկխոսությունից «անգամ ամենաբարդ գործընկերների հետ»։
Նա նաև հավելել է, որ արտաքին քաղաքականությանը միջամտելն իր խնդիրը չէ։
Իր առաջին այցը Գերմանիայի նախագահի պաշտոնում Շտայնմայերը կկատարի Ֆրանսիա։
