«Այսօր Լապշինի ֆեյսբուքյան էջը վերականգնվելու է»
Տեղեկատվության և անվտանգության փորձագետ, բլոգեր Տիգրան Քոչարյանն այսօրվա ասուլիսի ժամանակ ասաց, որ քիչ առաջ է խոսել Ալեքսանդր Լապշինի կնոջ հետ։
«Իրենք դեռևս չեն հասկանում՝ Ադրբեջանի քննիչների, Դատախազության գործունեությունն ինչպես է գնալու։ Դեռևս Լապշինի փաստաբաններն իրեն չեն տեսել, և իրենք ուղղակի ուզում են հասկանալ՝ ի՞նչ ընթացք կունենա գործը, և դրա համար ուղղակի հետևում են ընդհանուր պրոցեսին»,- նշեց Տ. Քոչարյանը։
Տ. Քոչարյանը նշեց, որ Ա. Լապշինի փաստաբանների մեջ կան և՛ հայեր, և՛ այլազգիներ. «Դեռևս գնում է քննչական գործողություն Լապշինի հետ, երբ ինչ-որ բաց ինֆորմացիա կլինի, իրենք կտեղադրեն։ Այսօրվանից իր ֆեյսբուքյան էջը վերականգնվելու է, և արդեն այնտեղ ինֆորմացիան գնալու է, որովհետև որոշակի ժամանակահատվածով արգելափակել էր Լապշինի ծանոթը, քանի որ, ըստ իր խոսքերի, փորձեր էին կատարվում կոտրել այդ էջը»։
