Լեհաստանի վարչապետը վթարի հետևանքով տեղափոխվել է հոսպիտալ
Լեհաստանի վարչապետ Բեատա Շիդլոն Օսվենցիմում ճանապարհատրանսպորտային պատահար է ենթարկվել և ուղղաթիռով տեղափոխվել է Վարշավայի զինվորական բժշկական ինստիտուտ:
Փրկարար ուղղաթիռի ժամանումը հեռարձակվել է Լեհաստանի հեռուստատեսությամբ: «Վարչապետի վիճակը լավ է: Նա կանցնի լրացուցիչ զննություն Վարշավայում», ինչպես փոխանցում է ՏԱՍՍ-ը, ասել է Լեհաստանի կառավարության մամուլի ծառայության ղեկավար Ռաֆալ Բոհենեկը՝ ավելացնելով, որ Շիդլոն ՃՏՊի ժամանակ ստացել է հիմնականում կապտուկներ և քերծվածքներ:
«Տեղի է ունեցել բախում և հարված: Ոչինչ տեղի չի ունեցել, որը կսպառնար նրա առողջությանը կամ կյանքին », ասել է նա:
