Նաիրա Զոհրաբյանը Գագիկ Ծառուկյանին վերջնաժամկետ էր ներկայացրել
Ինչպես հայտնի է, այսօր տեղի ունեցավ ԲՀԿ 9-րդ համագումարը, որի ժամանակ կուսակցության նախագահ ընտրվեց Գագիկ Ծառուկյանը։ Համագումարից հետո ԲՀԿ այլևս նախկին ղեկավար Նաիրա Զոհրաբյանն ասաց, որ մինչև Գ. Ծառուկյանի՝ քաղաքականություն վերադառնալու որոշումը, ինքը վերջնաժամկետ էր դրել։
«Անգամ, եթե Գագիկ Ծառուկյանը չվերադառնար քաղաքականություն, ես Գագիկ Ծառուկյանին ասել էի՝ հունվարի 20-25-ը վերջնաժամկետն է, եթե Գագիկ Ծառուկյանը չէր վերադառնում, ես դուրս էի գալիս քաղաքականությունից, դա եղել է իմ անձնական որոշումը»,- նշեց Ն. Զոհրաբյանը։
