Արթուր Սարգսյանը հանձնուքից հրաժարվել է հացադուլի մեջ գտնվելու պատճառաբանությամբ. ՔԿՎ

ՀՀ արդարադատության նախարարության քրեակատարողական վարչությունը պարզաբանում է ներկայացրել կալանավոր Արթուր Սարգսյանի կողմից իրեն փոխանցված հանձնուքի հրաժարվելու առնչությամբ: Հաղորդագրության մեջ, մասնավորապես, նշվում է.

«ՀՀ ԱՆ «Դատապարտյալների հիվանդանոց» քրեակատարողական հիմնարկի կալանավորված անձ Արթուր Սարգսյանի եղբայրը լրագրողներին հայտնել է, որ այսօր` փետրվարի 10-ին, հարազատները հանձնուք են տարել վերջինիս, սակայն հիմնարկի աշխատակիցները սնունդն իբր չեն ընդունել` պատճառաբանելով, թե Արթուր Սարգսյանը գտնվում է հացադուլի մեջ:

Քրեակատարողական ծառայությունը հարկ է համարում պարզաբանել, որ Ա. Սարգսյանն այսօր` ժամը 13:00-ի սահմաններում, բողոքելով իր դեմ հարուցված քրեական գործից,  հացադուլի դիմում է ներկայացրել, և նրա` իր կողմից հանձնուքից գրավոր կերպով հրաժարվելը պայմանավորված է իր` հացադուլի մեջ գտնվելու հանգամանքով»:

Տեսանյութեր

Լրահոս