Խորագիր:

Startup Europe Week-ը երկրորդ անգամ Հայաստանում է

Startup Europe Week-ը երկրորդ անգամ Հայաստանում է

Startup Europe Week միջոցառումն արդեն երկրորդ անգամ տեղի ունեցավ Երևանում: Startup Europe Week Yerevan-ի նպատակն է՝ աջակցել Հայաստանում ձևավորվող ստարտափ միջավայրի զարգացմանը: Միջոցառմանը մասնակցում էին Հայաստանի ստարտափ էկոհամակարգում կարևոր դերակատարում ունեցող ներկայացուցիչներ:

Այս տարի ընտրված քննարկվող թեմաներից էին՝ հայաստանյան ստարտափ էկոհամակարգի նոր նախաձեռնությունները, պետական աջակցություն, ինովացիոն և բիզնես զարգացման դրամաշնորհային ծրագրեր, սոցիալական ձեռներեցություն և այլն:

Startup Europe Week-ը տեղեկատվական տեխնոլոգիաների ոլորտի ձեռներեցների և սկսնակ գործարարների համար արդյունավետ և լայնածավալ նախաձեռնություն է, որն օգնում է ստանալ ամբողջական տեղեկատվություն տվյալ երկրում ստարտափ էկոհամակարգի ուղղությամբ իրականացվող միջոցառումների վերաբերյալ:

Միջոցառումը սովորաբար անցկացվում է փետրվար ամսին: Միջոցառման կամակերպիչները նշում են, որ նպատակ ունեն ստատափների զարգացման ծրագրերում ներառել Եվրոպայի բոլոր երկրները:

Ըստ միջոցառման կազմակերպիչների՝ նմանատիպ միջոցառումները սովորաբար անցկացվում են Սիլիկոնային հովտում ընդունված ֆորմատում, սակայն պետք է փոքր-ինչ ավելին անել, երբ խոսքն արդյունավետ բիզնեսի մասին է:

Այս տարի Startup Europe Week 2017-ին մասնակցել է ավելին քան 40 երկիր:

Նշենք նաև, որ Հայաստանում Startup Europe Week 2017 Yerevan-ի կազմակերպիչներն են Ձեռնարկությունների ինկուբատոր հիմնադրամը և ISTC Նորարար լուծումների և տեխնոլոգիաների կենտրոնը:

Սիրարփի Աղաբաբյան

Լրահոս
Գովազդ
Գովազդ
Գովազդ
Ամենաընթերցված
ՕրվաՇաբաթվաԱմսվա
2017-03-09
Ընտրակաշառքների մրցավազք
Որոշ թեկնածուների շտաբների ներկայացուցիչներն ակտիվորեն ցուցակագրում են քաղաքացիներին՝ խոստանալով իրենց թեկնածուի օգտին քվե տալու դեպքում որոշակի գումար։ Ասում են՝ անգամ ընտրակաշառքների մրցակցություն է գնում, թե որ ուժը կամ թեկնածուն որքան է բարձրացրել չափը։