Վախճանվել է նոբելյան դափնեկիրն ու մագնիսա-ռեզոնանսային շերտագրության գյուտարարը
Փետրվարի 9-ին 83 տարեկան հասակում վախճանվել է բրիտանացի ֆիզիկոս Փիթեր Մենսֆիլդը՝ մագնիսա-ռեզոնանսային շերտագրության մեթոդը մշակողներից մեկը: Այս մասին տեղեկացնում է BBC հեռուստառադիոհաղորդումների կորպորացիան:
«Լինելով ականավոր գիտնական եւ հայտնագործող իր բնագավառում՝ Մենսֆիլդը նաեւ սիրող եւ անձնվեր ամուսին էր, հայր եւ պապ, որի կորուստը մեծ Է մեզ համար»,- մեջբերում է անում հեռուստաալիքը Մենսֆիլդի ընտանիքի հայտարարությունից:
1964 թվականին հետազոտողը դարձել է Նոթինհեմի համալսարանի պրոֆեսոր, որտեղ նա դասավանդել է 30 տարի: 2003 թվականին նրան բժշկագիտության բնագավառում Նոբելյան մրցանակ են շնորհել մագնիսա-ռեզոնանսային շերտագրության գյուտի համար:
