««Մանչեսթեր Յունայթեդը» հետաքրքրություն է ցուցաբերել իմ նկատմամբ». «Չելսիի» ֆուտբոլիստ
«Չելսիի» կիսապաշտպան Վիլլիանը նշել է, որ իր համար հաճելի է լսել «Մանչեսթեր Յունայթեդի» և այլ ակումբների կողմից ցուցաբերված հետաքրքրության մասին:
«Ինձ հայտնի է, որ «Մանչեսթեր Յունայթեդը» հետաքրքրված է եղել իմ ծառայություններով, քանի որ այդ ակումբում է աշխատում Ժոզե Մոուրինիոն: Այլ ակումբների հետաքրքրության մասին ոչինչ չգիտեմ, չնայած համացանցում միշտ էլ շշուկներ հայտնվում են: Ինչ էլ որ լինի, ես ուրախ եմ, որ կան ակումբներ, որոնց դուր է գալիս իմ խաղը»,- ասել է Վիլլիանը Globo Esporte-ին տված հարցազրույցում:
Ընթացիկ մրցաշրջանում Վիլլիանն Անգլիայի առաջնությունում անցկացրել է 20 խաղ, աչքի է ընկել 5 գոլով և 1 ասիստով:
Պատրաստեց Անի Գաբուզյանը
