«Սիլեսենը ցույց տվեց, որ մենք դարպասապահներին միայն բարձրահասակ և շիկահեր լինելու համար չենք ընտրում»
Իսպանիայի թագավորական գավաթի կիսաեզրափակիչը շատ թեժ ստացվեց՝ 3 կարմիր քարտ, 2 չարձանագրված գոլ, չիրացված 11-մետրանոց հարված: Այս հանդիպման ընթացքում իր գործողություններով հատկապես աչքի ընկավ «Բարսելոնայի» երկրորդ դարպասապահ Յասպեր Սիլեսենը:
Խաղից հետո կատալոնացիների գլխավոր մարզիչ Լուիս Էնրիկեն նշել է, որ Սիլեսենը ցուցադրեց այն խաղը, ինչի համար թիմը գնել էր նրան:
«Սիլեսենը ցույց տվեց, որ մենք դարպասապահներին միայն բարձրահասակ և շիկահեր լինելու համար չենք ընտրում:
Սիլեսենը հրաշալի սեյվեր արեց, շատ լավ խաղաց ոտքով: Սրանք հատկանիշներ են, ինչը կարևոր է մեզ համար»,- նշել է Էնրիկեն:
Սիրարփի Աղաբաբյան
