Իսրայելցի դիվանագետները աշխատում են Լապշինին մատչում ունենալու ուղղությամբ
Իսրայելցի և ռուս դիվանագետները աշխատում են նրա վրա, որ մատչում ստանան երեկ Մինսկից Բաքու արտահանձնված բլոգեր Ալեքսանդր Լապշինին, RIA Novosti-ին հայտնել է Իսրայելի Կնեսետի պատգամավոր Քսենյա Սվետլովան, որը մասնակցում է Լապշինին ազատ արձակելու գործին։
«Նրան արտահանձնում են ինչ-որ գերտեմպերով և ներկայումս ես կապի մեջ եմ նրա կնոջ հետ, մենք անգամ չգիտենք, թե որտեղ է նա հստակ գտնվում, նրա մոտ անգամ չեն թողնում իսրայելցի հյուպատոսին»,- ասել է Սվետլովան։
«Իսրայելի հյուպատոսությունն այդ ուղղությամբ աշխատում է, ես գիտեմ, որ նաև ՌԴ հյուպատոսությունն է փորձում նրան տեսնել»,- հավելել է նա։
