ՌԴ ԱԳՆ-ն հիասթափված է Լապշինին Ադրբեջանին արտահանձնելու Բելառուսի որոշումից
Ռուսաստանը հիասթափված է Ալեքսանդր Լապշինին Ադրբեջանին արտահանձնելու Բելառուսի Գերագույն դատարանի որոշումից: Այս մասին հայտարարել են ՌԴ ԱԳ նախարարությունում:
«Ռուսական կողմը խորը հիասթափություն է հայտնում այդ որոշման կապակցությամբ, որը չի համապատասխանում Ռուսաստանի եւ Բելառուսի միջեւ դաշնակցային հարաբերությունների ոգուն,- ընդգծել են դիվանագիտական ներկայացուցչությունում:-Մտադիր ենք այսուհետեւ էլ անհրաժեշտ բոլոր միջոցները ձեռնարկել Ռուսաստանի քաղաքացու իրավունքներն ու օրինական շահերը պաշտպանելու համար՝ նրան շուտափույթ իր ընտանիք վերադարձնելու նպատակով»:
