Թրամփը հիասթափված է իր մամուլի քարտուղարից. CNN
ԱՄՆ-ի նախագահ Դոնալդ Թրամփը հիասթափված է իր մամուլի քարտուղար Շոն Սփայսերից եւ նոր մարդ է փնտրում Սպիտակ տան աշխատակազմում հաղորդակցությունների գծով տնօրենի պաշտոնի համար: Այս մասին հայտնել է CNN հեռուստաալիքը՝ վկայակոչելով իրազեկ աղբյուրներ:
Ներկայում Սփայսերը միաժամանակ զբաղեցնում է մամուլի քարտուղարի եւ հաղորդակցությունների գծով տնօրենի պաշտոնը, թեեւ սովորաբար այդ պաշտոններն զբաղեցնում են տարբեր մարդիկ, հիշեցնում է CNN-ը:
«Դոնալդ Թրամփը հիասթափված է Սփայսերից»,- նշել է հեռուստաալիքը: Նա հիշեցնում է, որ Սփայսերը երկար ժամանակ աշխատում է ԱՄՆ-ի Հանրապետական կուսակցությունում եւ կուսակցության նախկին նախագահ, իսկ այժմ Սպիտակ տան աշխատակազմի ղեկավար Ռինս Փրիբասի մերձավոր զինակիցն է:
«(Անձնակազմի) հավաքագրման գործընթացին մոտ կանգնած աղբյուրների տվյալներով՝ Թրամփը սրտնեղված է Փրիբասից վարչակազմում նախագահից հետո հնարավոր է ամենատեսանելի դիրքում Սփայսերի ընտրության պատճառով»,- գրում է CNN-ը, հաղորդել է ՌԻԱ Նովոստին:
