Պուտինն ու Մերկելը պայմանավորվել են հանդիպել «նորմանդյան ձևաչափով»
Ռուսաստանի նախագահ Վլադիմիր Պուտինը ու Գերմանիայի կանցլեր Անգելա Մերկելը հեռախոսազրույցի ընթացքում պայմանավորվել են «նորմանդյան ձևաչափով» հանդիպումների մասին։ Այս մասին ասվում է Կրեմլի կայքում։
«Պայմանավորվածություն է ձեռք բերվել ավելացնել դիվանագիտական ջանքերը՝ նպատակ ունենալով կարգավորել ուկրաինական ճգնաժամը։ Մասնավորապես, նպատակ կա ժամանակներս շփումներ հաստատել արտգործնախարարների ու նախագահների օգնականների հետ «նորմանդյան ձևաչափով», այնուհետև իրավիճակն առաջարկել քննարկել բարձրագույն մակարդակով»,- ասվում է հաղորդագրության մեջ։
Հեռախոսազրույցի ժամանակ քննարկվել է նաև Ուկրաինայում հակամարտության սրացումը։
Ավելի վաղ Պուտինը հայտարարել էր, որ Կիևը փողի կարիք ունի ու փորձում է իրեն զոհ ներկայացնել ԵՄ-ի աչքին։
