Սիրիայի կառավարությունը 5 տարում մահապատժի է ենթարկել 13 հազար մարդու. Amnesty İnternational
Սիրիայի կառավարությունը 5 տարում մահապատժի է ենթարկել 13 հազար մարդու, հայտարարել է Amnesty International իրավապաշտպան կազմակերպությունը։
«2011-2015թթ. Սայեդնայա բանտում ամեն շաբաթ, երբեմն անգամ շաբաթական երկու անգամ, մինչև 50 մարդուց բաղկացած խմբեր են դուրս բերվել իրենց բանտախցերից ու կախաղան հանվել։
5 տարում նրանց թիվը կազմել է 13 հազար մարդ, որոնց մեծ մասը գաղտնի է կախաղան հանվել»,- ասվում է հաղորդագրության մեջ։
Հետաքննությունն անցկացվել է 2016թ. ընթացքում, որի ժամանակ վերցվել է 84 հարցազրույց նախկին բանտապահներից, պաշտոնյաներից, դատավորներից, փաստաբաններից ու նախկին պատանդներից։
Մահապատժի ենթարկվածները հիմնականում եղել են ընդդիմադիրներ։
Պաշտոնական Դամասկոսը դեռ չի մեկնաբանել տվյալ տեղեկությունը։
