«Սիրիան միայն իմ ընտանիքին չի պատկանում». Ասադ
Սիրիայի նախագահ Բաշար Ասադը հայտարարել է, որ երկիրը չի պատկանում միայն իր ընտանիքին՝ ընդգծելով, որ ցանկացած սիրիացի կարող է զբաղեցնել երկրի նախագահի պաշտոնը, հայտնում է Sana գործակալությունը։
«Իհարկե, երկիրը չի պատասխանում իմ ընտանիքին։ Սիրիան պատկանում է սիրիացիներին և յուրաքանչյուր սիրիացի իրավունք ունի զբաղեցնել նախագահի պաշտոնը»,- հայտարարել է Բաշար Ասադը։
Ավելի վաղ Բաշար Ասադը հայտարարել էր, թե Ռուսաստանի և ԱՄՆ-ի համագործակցությունը շահեկան կլինի Սիրիայի և ամբողջ աշխարհի համար: Սակայն, նրա խոսքով՝ առայժմ վաղ է դատել՝ ԱՄՆ նախագահ Դոնալդ Թրամփի վարչակազմը պատրաստ է արդյոք նման համագործակցության:
Նա նաև նշել է, որ ԴԱԻՇ-ի ու «Ջաբհաթ ան-Նուսրայի» դեմ պայքարում կարող են կիրառվել պաշտպանության ցանկացած միջոցներ՝ ժողովրդին պաշտպանելու համար։
