Գլխաշորը մտավ Թուրքիայի բանակ
Թուրքիայում առաջին անգամ գլխաշոր կրող կին ուսանողը կսովորի երկրի Ռազմաօդային բարձրագույն դպրոցում: Այս մասին տեղեկացնում է թուրքական «Հուրիեթ» պարբերականը:
23-ամյա Մերվե Գյուրբուզն անցել է անհրաժեշտ ստուգումները և բուժզննումը: Ուշագրավ է, որ երկրի գործող սահմանադրությամբ աշխարհիկ համարվող Թուրքիայում սա առաջին դեպքն է, երբ զինված ուժերում ծառայող կինը կրելու է գլխաշոր:
Թուրքական որոշ լրատվամիջոցները լուրը հաղորդել են «Գլխաշորը մտավ բանակ» վերտառությամբ:
