Սիրիական զորքերը սկսել են հարձակումը Պալմիրայի ուղղությամբ
Սիրիայում կառավարական զորքերի հարձակում է ընթանում ԴԱԻՇ-ի ահաբեկիչների ուժերի ուղղությամբ, հայտնում է Masdar News լրատվական պորտալը։
Անցած շաբաթ ահաբեկիչներից ազատագրվել էր ռազմավարական Ջիհար խաչմերուկը, որը գտնվում է Պալմիրայից 40 կմ արևմուտք, ինչպես նաև Հայան գազային հանքավայրի մի մասը։
Ներկայումս շարունակվում են մարտերը ահաբեկիչների և կառավարական զորքերի միջև։
Մասնավորապես, ըստ սիրիական լրատվական SANA գործակալության տեղեկությունների, ռազմական ավիացիան ռմբակոծել է գրոհայինների թաքստոցը Հայան հանքավայրից արևելք։
Մասնագետները կարծում են, որ խոսքը ահաբեկիչների դիրքերի ուղղությամբ լայնածավալ հարձակման մասին է։
