«Ռազմատեխնիկական համագործակցության քննարկման նպատակով Ուկրաինայից Ադրբեջան կժամանի մեծ պատվիրակություն». դեսպան
Մոտ ժամանակներս Բաքվում կանցկացվի ռազմատեխնիկական համագործակցության հարցերով ադրբեջանա-ուկրաինական միջկառավարական հանձնաժողովի նիստ: Այդ մասին, ինչպես հայտնում է APA գործակալությունը, հայտարարել է Բաքվում Ուկրաինայի դեսպան Ալեքսանդր Միշչենկոն։
«Ռազմատեխնիկական ոլորտը մեր խորը համագործակցության, հարաբերությունների ցուցիչն է: Բոլոր ժամանակներում ռազմատեխնիկական համագործակցությունը կարևոր տեղ է ունեցել մեր երկրների հարաբերություններում:
Դա փոխադարձ վստահության ցուցիչ է: Մենք դիմում ենք Ադրբեջանին՝ այստեղից Ուկրաինա որոշ զինատեսակների ու ռազմամթերքի ներկրման համար»,- ասել է Միշչենկոն։
