Լուկաշենկոն՝ Միութենական պետությունից և ԵՏՄ-ից Բելառուսի դուրս գալու լուրերի մասին
Բելառուսի նախագահ Ալեքսանդր Լուկաշենկոն կատարյալ հերյուրանք է անվանել Եվրասիական տնտեսական միությունից (ԵՏՄ) և Բելառուսի ու Ռուսաստանի միութենական պետությունից իր երկրի դուրս գալու մասին հայտարարությունները, հայտնում է RIA Novosti-ն։
«Ինչ վերաբերում է ԵՏՄ-ի և Միութենական պետության մասին հայտարարություններին, ամբողջությամբ հերյուրանք են»,- հայտարարել է Լուկաշենկոն այսօր Մինսկում կայացած մամուլի ասուլիսի ժամանակ:
«Ինչի՞ մասին խոսել, եթե չեն լուծվում հարցերը, որոնց մասին մենք պայմանավորվել ենք։ Դրանք անհրաժեշտ է լուծել, հակառակ դեպքում մենք խայտառակության ենք վերածում Միութենական պետության բոլոր նիստերը։ Հարցերը չեն լուծվում, իսկ մենք նիստեր ենք հրավիրում։ Ինչի՞ մասին է խոսքը։
Անհրաժեշտ է լուծել այդ հարցերը։ Մենք երբեք դեմ չենք եղել ինտեգրացիոն նախագծերին, մենք եղել ենք այդ բոլոր նախագծերի նախաձեռնողը»,- հավելել է նա։
