«Ռուսաստանը վախեցել է, որ Բելառուսը կհակվի դեպի Արևմուտք». Լուկաշենկո
Բելառուսի նախագահ Ալեքսանդր Լուկաշենկոն Ռուսաստանի հետ հարաբերությունների սրացումը բացատրում է նրանով, որ Մոսկվան մտավախություն ունի, որ Մինսկը կհակվի դեպի Արևմուտք։ Այս մասին նա հայտարարել է այսօր տեղի ունեցած մամուլի ասուլիսի ժամանակ։
Լուկաշենկոյի կարծիքով՝ Ռուսաստանի ղեկավարությունում կան մարդիկ, որոնց դիրքորոշումը տարբերվում է ՌԴ նախագահ Վլադիմիր Պուտինի դիրքորոշումից։
«Վերջին շրջանում իրավիճակը այնքան էլ լավ չի զարգանում, սակայն ևս մեկ անգամ ընդգծում եմ՝ ուժերն այնտեղ տարբեր են»,- հայտարարել է Բելառուսի նախագահը։
Ընդ որում՝ Պուտինը, Լուկաշենկոյի խոսքով, «ինչ-որ բան, հավանաբար գիտի, սակայն չի համարձակվել ասել»։
