Երևանում 4-րդ հարկից ընկած 23-ամյա երիտասարդի վիճակը ծանր է
Երևանի Խորենացու փողոցի 15-րդ շենքի 4-րդ հարկից վայր ընկած 23-ամյա երիտասարդի վիճակը ծանր է:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, տուժածն ի վիճակի չի եղել որևէ բան պատմել կատարվածի մասին: Ոստիկանությունն ահազանգը ստացել է թիվ 1 համալսարանական հիվանդանոցից: Հիվանդանոցի աշխատակիցն ասել է, որ «պոլիտրավմա» ախտորոշմամբ իրենց մոտ է տեղափոխվել 1994 թվականին ծնված Հ.Ս.-ն:
Ըստ շտապօգնության բժշկի՝ Հ.Ս.-ն վայր է ընկել Երևանի Խորենացի փողոցի 15-րդ հասցեի 4-րդ հարկից և այժմ վերակենդանացման բաժանմունքում է, ծանր վիճակում:
