«Բելառուսի քաղաքականությունը պետք է լինի բազմավեկտոր». Լուկաշենկո
Բելառուսը պետք է կառուցի բազմավեկտոր արտաքին քաղաքականություն, սակայն դեռևս այդքան էլ չի ստացվում, այսօր մամուլի ասուլիսի ժամանակ հայտարարել է հանրապետության նախագահ Ալեքսանդր Լուկաշենկոն։
«Մենք այլ ճակատագիր չունենք, քան այն, որ մեր արտաքին քաղաքականությունը պետք է լինի բազմավեկտոր»,- հայտարարել է նա։
Լուկաշենկոն նշել է, որ բազմավեկտոր քաղաքականությունը «կոշտ գաղափար և պահանջ» է, սակայն հավելել է, որ «ամեն ինչ չէ, որ ստացվել է այդ բազմավեկտորայնության հետ»։
«Մենք այսօր գտնվում ենք եվրասիական մայրցամաքի էպիկենտրոնում, այդպես ճակատագիրն է դասավորվել։ Մենք այլ ճանապարհ չունենք, քան բազմավեկտոր քաղաքականություն զարգացնելը»,- ընդգծել է Լուկաշենկոն, որի խոսքերը մեջբերում է RIA Novosti-ն։
