Ռուսաստանը չի տեղեկացրել սահմանային գոտու վերականգնման մասին. Բելառուսի ԱԳՆ
Ռուսաստանը որոշում է կայացրել վերականգնել սահմանային վերահսկողությունը Բելառուսի հետ ցամաքային սահմանին՝ այդ մասին նախապես չտեղեկացնելով Մինսկին, հայտարարել է Բելառուսի ԱԳՆ մամուլի ծառայության ղեկավար Մարիա Վանյշինան։
«Ի հակառակ գոյություն ունեցող բոլոր պայմանավորվածությունների, որոնք կարգավորում են երկու երկրների պետական սահմանները և դրանք հատելու կանոնները, ռուսական կողմը որոշում է կայացրել վերականգնել Բելառուսի հետ սահմանային գոտին առանց նախնական տեղեկացման»,- ասել է նա։
Բելառուս դիվանագետի խոսքով՝ գործողությունները չհամաձայնեցնելը հարուցում է «արդարացի հարցեր»։
Նրա խոսքով, այնուամենայնիվ, իրավիճակը պետք չէ բարդացնել, Բելառուսի ԱԳՆ-ն դեռևս ուսումնասիրում է փաստաթուղթը։
Սահմանային գոտին կտեղակայվի Սմոլենսկի, Պսկովի, Բրյանսկի մարզերում՝ Բելառուսի հետ սահմանին՝ համաձայն ՌԴ անվտանգության դաշնային ծառայության տնօրեն Ալեքսանդր Բորտնիկովի հրամանագրի։
Հիշեցնենք, որ Բելառուսը նախագահի հրամանով ռուս-բելառուսական սահմանին սահմանել էր սահմայաին գոտու ռեժիմ 2014թ. սեպտեմբերին, սակայն դա չէր կիրառել։
