«Իմ որդին 4 ամիս առաջ վերադարձել է բանակ». ԼՂ-ում գերեվարված ադրբեջանցի զինծառայողի մայր
Փետրվարի 1-ին Թալիշի հայկական դիրքերում գերեվարված Էլնուր Հուսեյնզադե Էլման օղլուի մայրը Istipress.com-ին տված հարցազրույցում պատմել է, որ որդին եղել է Ադրբեջանի ԶՈւ գործող պայմանագրային զինծառայող։
Մայրը հայտնել է, որ իր որդին 4 ամիս առաջ նորից գնացել է բանակ՝ որպես պայմանագրային զինծառայող։
Վերջին անգամ Էլնուր Հուսեյնզադեն տանը եղել է նախօրեին՝ երեկոյան։
Ավելի վաղ Ադրբեջանի ԶՈՒ-ն հերքել էր տեղեկությունը, թե Էլնուր Հուսեյնզադեն ադրբեջանական բանակի զինծառայող է։ Նշվում էր, թե նա բանակ է զորակոչվել 2013թ. հուլիսին ու զորացրվել է 2015թ.։
