Շվեդիայի ԱԳՆ-ն քննադատել է Թրամփի հակամիգրացիոն հրամանագիրը
Շվեդիայի արտգործնախարար Մարգոտ Վալստերմը քննադատել է ԱՄՆ նախագահ Դոնալդ Թրամփի որոշումը 7 մուսուլմանական երկրի քաղաքացիների՝ ԱՄՆ մուտքի արգելքի վերաբերյալ, հայտնում է «Անադոլու» գործակալությունը։
«Համարում ենք այդ որոշումը ոչ ճիշտ և խորհուրդ ենք տալիս ուղղել սխալը»,- ասել է Վալստրեմը գործակալությանը տված հարցազրույցում։
Նրա խոսքով՝ ԱՄՆ իշխանությունները տեղեկացրել են Ստոկհոլմին այն մասին, որ Միացյալ Նահանգներ մուտքի արգելքը 7 երկրի քաղաքացիների համար, չի տարածվի երկքաղաքացիություն ունեցողների վրա, այդ թվում՝ շվեդ քաղաքացիների։