Զաքիր Հասանովը առաջնագծում մասնակցել է նոր զինվորական ավանի բացմանը
Ադրբեջանի պաշտպանության նախարարության մամուլի ծառայությունը հայտնել է, որ փետրվարի 1-ին Ադրբեջանի պաշտպանության նախարար Զաքիր Հասանովը ու նախարարության բարձրաստիճան պաշտոնյաները այցելել են սահմանամերձ գոտում կառուցված զինվորական ավան, ծանոթացել շտաբի, զորանոցների, ճաշարանի, բժշկական կետի, ակումբի ու այլ օբյեկտների հետ։
Haqqin.az-ը հայտնում է, որ զինվորական ավանի կառուցումը սկսվել է 2014թ. հունիսին, տարածքն ընդգրկում է 35 հա։
Նշվում է, որ անձնակազմի տեղակայման համար կառուցվել է 9 զինվորական զորանոց։
Զինվորականների բժշկական սպասարկման համար կառուցվել է նաև ժամանակակից սարքավորումներով հագեցած բժշկական կետ՝ նախատեսված մինչև 30 մարդու համար։
