Լեհաստանը մտադիր է վերածնել «Արևելյան գործընկերություն» ծրագիրը
Լեհաստանը մտադիր է լավացնել հարաբերությունները Բելառուսի հետ՝ հույս ունենալով ակտիվացնել ԵՄ-ի «Արևելյան գործընկերություն» ծրագիրը։
Ինչպես հայտնում է Reuters-ը, այդ մասին հայտարարել է Լեհաստանի արտգործնախարարի տեղակալ Քշիշտոֆ Շիմանսկին։
Լեհ դիվանագետի խոսքով՝ «Արևելյան գործընկերությունը» կգործի, եթե ծրագրի անդամ մասնակիցներին առաջարկի դիվերսիֆիկացիոն մոտեցում։
«Արևելյան գործընկերություն» ծրագիրը ուղղված է ԵՄ-ի մերձեցմանը 6 արևելյան գործընկերների՝ Ադրբեջան, Հայաստան, Վրաստան, Ուկրաինա, Մոլդովա, Բելառուս հետ։ Այն մեկնարկել էր 2009թ.։ Ծրագրի նախաձեռնողները Լեհաստանն ու Շվեդիան էին։
