«Բռնցքամարտում դու ինձ էլ չես հաղթի, էլ ուր մնաց՝ Մեյվեյզերին». տաքսու վարորդը՝ ՄաքԳրեգորին
Նախկին բռնցքամարտիկ Ադամ Վայնանտը, ով տվյալ պահին աշխատում է՝ որպես տաքսու վարորդ, UFC չեմպիոն Քոնոր ՄաքԳրեգորին ասել է, որ վերջինս չի հաղթի նույնիսկ իրեն, էլ ուր մնաց՝ Ֆլոյդ Մեյվեյզեր կրտսերին:
«Մոտ 6 ամիս առաջ ես մեքենայով Լաս Վեգասում նրան և մի աղջկա տանում էի հյուրանոց: Ես իսկապես չգիտեի, որ դա ՄաքԳրեգորն է: Նա իմ էկրանի վրա տեսավ մարտերի մասին կայքը և հարցրեց, թե ինչ եմ մտածում Ֆլոյդ Մեյվեյզերի հետ մենամարտելու Քոնոր ՄաքԳրեգորի ցանկության մասին: Ես ասացի. «Քոնորը բռնցքամարտում ինձ էլ չի հաղթի, էլ ուր մնաց՝ բոլոր ժամանակների մեծագույն բռնցքամարտիկին»:
Ի պատասխան՝ նա ոչինչ չասաց: Հետո ես նրա համար բացեցի դուռը, նա դուրս եկավ և ասաց. «Ես Քոնոր ՄաքԳրեգորն եմ»: Ինչին ես ծիծաղելով պատասխանեցի, որ մնում եմ իմ մտքին: Նա սեղմեց ձեռքս և հեռացավ: Կարծում եմ՝ նա հիացավ իմ քաջությամբ»,- պատմել է Վայնանտը The Ring-ին տված հարցազրույցում:
Պատրաստեց Անի Գաբուզյանը
