«Անհնար է ապահովել որակյալ կրթական համակարգ` առանց բարձրորակ ուսուցիչների և որակյալ կրթական ծրագրերի». Կարեն Կարապետյան
Այսօր կառավարության նիստի սկզբում նախքան օրակարգին անցնելը վարչապետ Կարեն Կարապետյանը տարբեր գերատեսչությունների ղեկավարների մի շարք հանձնարարականներ տվեց:
Ըստ նրա` անհնար է ապահովել որակյալ կրթական համակարգ` առանց բարձրորակ ուսուցիչների և որակյալ կրթական ծրագրերի:
«Ունենք ուսուցիչների վերապատրաստման ֆորմալ պրոցես, որ ուսուցիչները միայն ֆիզիկապես են ներկա լինում: Ունենք դասագրքերի որակի և բովանդակության խնդիր, որի մասին խոսում են աշակերտների ծնողներն ու ուսուցիչները»,- ասաց Կ.Կարապետյանը:
Կրթության և գիտության նախխարարին վարչապետը հանձնարարեց մեկամսյա ժամկետում մշակել Կրթության ազգային ինստիտուտի բարեփոխումների ծրագիր: