Ռուս խորհրդարանականները պատրաստվում են մեկնել Սիրիա՝ բանակցությունների
Ռուսական պատվիրակությունը, որի կազմում կլինեն նաև խորհրդարանականներ, հաջորդ շաբաթ կայցելի Սիրիա և կհանդիպի երկրի նախագահ Բաշար Ասադի հետ, հայտնում է RIA Novosti-ն՝ վկայակոչելով Սիրիայի խորհրդարանում աղբյուրին։
«14 հոգանոց ռուսական պատվիրակությունը, որի կազմում կլինեն խորհրդարանականներ, բժիշկներ և այլք, կայցելի Սիրիա հաջորդ շաբաթ։
Այցը կմեկնարկի փետրվարի 6-ին, որի ընթացքում տեղի կունենա հանդիպում սիրիացի պաշտոնյաների հետ։
Որոշված է հանդիպում ունենալ Սիրիայի խորհրդարանի խոսնակ Հադիա Աբասի հետ, սպասվում է նաև նրանց հանդիպումը Բաշար Ասադի հետ»,- հայտարարել է աղբյուրը։
