«Մոսկվայի և Անկարայի հարաբերությունների ամրապնդումը չի խոչընդոտում Թուրքիայի և ՆԱՏՕ-ի հարաբերություններին». Ֆիքրի Ըշըք
Մոսկվայի և Անկարայի հարաբերությունների ամրապնդումը չի նշանակում Թուրքիայի և ՆԱՏՕ-ի հարաբերությունների վատթարացում, հայտարարել է Թուրքիայի պաշտպանության նախարար Ֆիքրի Ըշըքը Անկարայում դեսպանների IX համաժողովի ընթացքում, հայտնում է «Անադոլու» գործակալությունը։
Նրա խոսքով՝ Անկարան նախկինի պես հավատարիմ է Հյուսիսատլանտյան դաշինքի ներսում համերաշխության ամրապնդմանը։
«ՆԱՏՕ-ի կառույցների գործունեության մեջ չի եղել ոչ մի խնդիր, որի աղբյուրը լիներ Անկարան։ Թուրքիան նախկինի պես հավատարիմ է ՆԱՏՕ-ի շրջանակներում ստանձնած պարտավորություններին։ Դրանում ոչ մի կասկած լինել չի կարող»,- ասել է Ըշըքը։
Նա ընդգծել է, որ Ռուսաստանի հետ հարաբերությունները չեն կարող խոչընդոտ լինել Անկարայի՝ այլ երկրների ու կառույցների հետ համագործակցության ճանապարհին։
