«Մինսկի համաձայնագրերը կյանքի չեն կոչվի». Լեհաստան
Մինսկի համաձայնագրերը ամբողջությամբ կյանքի չեն կոչվի, Դոնբասի հակամարտության լուծման համար անհրաժեշտ է ընդլայնել նորմանդյան ձևաչափը։ Նման կարծիք է հայտնել Լեհաստանի ԱԳՆ ղեկավար Վիտոլդ Վաշչիկովսկին Wprost պարբերականին տված հարցազրույցում։
Նա պնդում է, որ անհրաժեշտ է բանակցող երկրների խմբում ներառել ԱՄՆ-ին և Լեհաստանին։
«Անհրաժեշտ է ընդլայնել նորմանդյան ձևաչափը, քանի որ միայն մեկ եվրոպական երկիր, ինչպիսիք են Ֆրանսիան կամ Գերմանիան, ի վիճակի չեն Ռուսաստանի հետ դիմակայության փոփոխության հանգեցնել։ Մենք ՆԱՏՕ-ում և Եվրամիությունում միակ երկիրն ենք, որը սահմանակից է ագրեսորին, ինչպես նաև ագրեսիայի զոհին։ Իրավիճակի ցանկացած էսկալացիա մեզ վրա կազդի»,- բացատրել է Վաշչիկովսկին։
