Վրացական Ուրեկի հանգստավայրի զարգացման նպատակով կծախսվի ավելի քան 65 մլն լարի
Սևծովյան Ուրեկի հանգստավայրի զարգացման նպատակով կծախսվի ավելի քան 65 մլն լարի, հայտնում է «Գրուզիա օնլայնը»։
Նախագծի շրջանակներում նորացվելու են կոյուղու ու ջրանցքի համակարգերը, բարեկարգվելու է ճանապարհը, ավանը գազաֆիկացվելու է, կառուցվելու են ավտոկայանատեղիներ։
Նախագիծը հաշվարկված է 3 տարվա համար։ Նախատեսվում է, որ այդ ժամկետից հետո Ուրեկին կդառնա եվրոպական մակարդակի ժամանակակից հանգստավայր։
Գործակալությունը նշում է, որ Ուրեկիում դեռևս անհրաժեշտ է կարգավորել տարիներով կուտակված խնդիրները, այդ թվում՝ վատ զարգացած ենթակառուցվածքներն ու հաղորդակցությունը։
