Մոսուլի ազատագրումից ի վեր քաղաքը լքել է 132 հազար մարդ
ԴԱԻՇ-ից Մոսուլի ազատագրման օպերացիան սկսելուց ի վեր քաղաքը լքել է 132 հազար մարդ, հայտնում է «Անադոլու» գործակալությունը՝ վկայակոչելով Իրաքի միգրացիայի հարցերով նախարար Ջասըմ ալ-Ջաֆին։
Նրա խոսքով՝ եթե Մոսուլում թեժ մարտեր բռնկվեն, ապա այդ թիվը կարող է հասնել մինչև 350 հազարի։
«Խաղաղ բնակիչները լքում են քաղաքը գործողությունն սկսելուց ի վեր։ Հիմնականում նրանք Մոսուլի արևելյան շրջանների բնակիչներ են»,- հայտնել է նախարարը։
Գերատեսչության ղեկավարի խոսքով՝ Մոսուլից բոլոր փախստականները տեղակայվել են անվտանգ շրջաններում, իսկ Իրաքի կառավարությունը, Իրաքի Քրդական շրջանային ադմինիստրացիան ու ՄԱԿ-ը լոգիստիկ աջակցություն են ցուցաբերում։
«Մինչ գործողությունն սկսելը մենք ենթադրում էինք, որ քաղաքը կլքի մոտ 500 հազար մարդ։ Իհարկե, դա ենթադրություն է։ Թվերը կարող են փոփոխվել՝ կախված ռազմական գործողությունների ընթացքից»,- ասել է Ալ-Ջաֆը։
