Դարչինով և թզով սմուզի

Ձմռանը սովորաբար նախաճաշում ենք վարսակի փաթիլներով, սակայն այս սմուզին պարունակում է ջերմացնող բաղադրիչներ, որոնք հրաշալի են՝ որպես ձմեռային նախաճաշ: Դարչինն ու կոճապղպեղը ոչ միայն յուրահատուկ համ ունեն, այլև վիտամիններով են սնուցում օրգանիզմը, հատկապես՝ ձմռանը, երբ վիտամինների պակասը զգալիորեն ազդում է օրգանիզմի վրա:

Եթե ժամանակ ունեք, ապա ուշադրություն դարձրեք տանձի, դարչինի և կոճապղպեղի վրա:

Բաղադրատոմսում ներկայացվում է ջուր, սակայն, եթե հնարավորություն ունեք, կարող եք ջուրը փոխարինել նշի կաթով:

Որո՞նք են այս հզոր սմուզիի օգտակար հատկանիշները

Կանեփի սերմերը մեծ քանակությամբ պրոտեիններ և հակաբորբոքային օմեգա-3 ճարպաթթուներ են պարունակում:

Կոճապղպեղն ունի ջերմացնող հատկանիշներ, լավացնում է մարսողությունը և ունի հակաբորբոքային հատկանիշներ:

Դարչինը քաղցրություն է հաղորդում այս սմուզիին, բացի այդ, այն կարգավորում է արյան մեջ շաքարի մակարդակը:

Բանանն ու տանձը մեծ քանակությամբ մանրաթելեր և սննդարար տարրեր են պարունակում, որոնք այդքան անհրաժեշտ են օրգանիզմին:

Ներկայացված սմուզիի բաղադրատոմսը

• 1 բաժակ ջուր
• 1 բանան
• 1 տանձ
• 3 ճ/գ կանեփի սերմեր
• 3 թարմ կամ չորացրած թուզ
• 1 սմ-անոց թարմ կոճապղպեղ
• Քառորդ թ/գ դարչին

Բոլոր բաղադրիչները լցրեք բլենդերի մեջ, հարեք 30 վայրկյան և խմեք:

Այս սմուզին կամրացնի իմունիտետն ու կօգնի վիտամիններով սնուցել օրգանիզմը, ինչն այդքան անհրաժեշտ է օրգանիզմին, հատկապես՝ ձմռանը:

Նյութը հրապարակման պատրաստեց Լիլիթ Հարությունյանը