Գոայում ինքնաթիռը դուրս Է եկել թռիչքուղուց․ կան տուժածներ
Jet Airways ավիաընկերության մարդատար ինքնաթիռը Գոայում դուրս Է եկել թռիչքային գոտուց, տարհանման ժամանակ 12 մարդ վնասվածքներ է ստացել, հաղորդում է TASS-ը։
Այս մասին հայտնել է ավիափոխադրողն իր Twitter-յան էջում։
Boeing 737-800 ինքնաթիռը պետք է «Դաբոլիմ» օդանավակայանից 9W 2374 չվերթով մեկներ Մումբայ: Ինքնաթիռում եղել են 154 ուղևորներ և անձնակազմի 7 անդամ: Ինքնաթիռից մարդկանց դուրս բերելու համար կիրառվել են փչովի փրկարարական օդանավասանդուղքներ:
Վնասվածքներ ստացած ուղևորներին ցուցաբերվել է բժշկական օգնություն։
Ավիաընկերության հայտարարության մեջ նշվում է, որ ձեռնարկվում են ջանքեր, որպեսզի դեպքը նվազագույն ազդեցություն ունենա Գոայի մյուս չվերթերի չվացուցակի վրա։
