ԿՀՎ-ի ղեկավարը մեղադրել է Ասադին ու Ռուսաստանին Սիրիայում խաղաղ բնակիչների սպանության մեջ
Սիրիայի խաղաղ բնակիչների մահվան համար պատասխանատվություն են կրում Բաշար Ասադի ռեժիմն ու Ռուսաստանը, հայտարարել է ԿՀՎ ղեկավար Ջոն Բրեննանը BBC-ին տված հարցազրույցում։
Նրա կարծիքով՝ ԱՄՆ-ը հետագայում ևս պետք է շարունակի աջակցություն ցուցաբերել Սիրիայի չափավոր ընդդիմությանը, որը դիմակայում է Ասադի կառավարական զորքերին, ինչպես նաև Իրանի զինվորականներին, «Հեզբոլլահին» ու ռուս զինվորականներին։
Բրեննանը հայտարարել է, որ Ռուսաստանը Սիրիայում կարևոր խաղացող է, սակայն կասկած է հայտնել, որ Մոսկվան ինչ-որ բանակցությունների կգնա այդ երկրի ապագայի հարցով։
«Կարծում եմ՝ ԱՄՆ նորընտիր նախագահ Դոնալդ Թրամփն ու նրա վարչակազմը պետք է զգուշավորությամբ վերաբերվեն Ռուսաստանի խոստումներին»,- ասել է ԿՀՎ ղեկավարը՝ դա բացատրելով նրանով, որ նախկինում Մոսկվան չի կատարել իր խոստումները։
