ԶԼՄ-ները հայտնել են ԴԱԻՇ-ի զինյալների կողմից Մեծ Բրիտանիայում ահաբեկչությունների նախապատրաստման մասին
Ահաբեկչական ԴԱԻՇ խմբավորումը պլանավորել է ահաբեկչություններ Մեծ Բրիտանիայում, այս մասին են վկայում Սիրիայում կոալիցիոն ուժերի տրամադրության տակ հայտնված ահաբեկիչների արխիվները, հայտնում է Sun պարբերականը։
«ԴԱԻՇ-ը ահաբեկչություններ է պլանավորել Մեծ Բրիտանիայում, ինչի մասին վկայում են նահանջելիս զինյալների լքած ավելի քան 10 հազար փաստաթղթերը, ինչպես նաև էլեկտրոնային տեղեկատվության մեծ ծավալները։ Տվյալները, որոնք հայտնաբերվել են բջջային հեռախոսներում և համակարգիչներում, մատնանշում են նրանց, որոնք աջակցել են ահաբեկչական ցանցին, քարոզիչներին ու նրանց ֆինանսիստներին»,- գրում է պարբերականը։
Ներկայումս տեղեկատվությունը մշակվում է Քուվեյթում բրիտանական հետախուզական կենտրոնում հարյուրավոր վերլուծաբանների օգնությամբ։
Թերթը նշում է, որ զինվորականներն ակնկալում են հավելյալ տեղեկություններ ստանալ Մոսուլի ազատագրումից հետո։
