Մեկնարկել է Ալեքսանդր Լուկաշենկոյի պաշտոնական այցը Ադրբեջան

Մեկնարկել է Բելառուսի նախագահ Ալեքսանդր Լուկաշենկոյի մեկօրյա պաշտոնական այցն Ադրբեջան, հայտնում է ադրբեջանական APA գործակալությունը։

Բաքվի Հեյդար Ալիևի անվան օդանավակայանում Լուկաշենկոյին դիմավորել են Ադրբեջանի վարչապետի առաջին տեղակալ Յաղուբ Էյուբովն ու փոխարտգործնախարար Խալաֆ Խալաֆովը։

Պլանավորվում է, որ այսօր Լուկաշենկոն Բաքվում կհանդիպի Ադրբեջանի նախագահ Իլհամ Ալիևի, երկրի վարչապետ Արթուր Ռասիզադեի հետ։ Հանդիպմանը կողմերը քննարկելու են բելառուսա-ադրբեջանական հարաբերությունների զարգացման հեռանկարները, այդ թվում՝ առևտրա-տնտեսական համագործակցությունը, ներդրումների, ագրոարդյունաբերական համալիրի, սպորտի ոլորտում հարցեր։

Սպասվում է, որ բանակցությունների արդյունքով կստորագրվեն մի շարք միջազգային փաստաթղթեր։