Ադրբեջանի ԱԳՆ-ն «սև ցուցակում» է ներառել Արցախի Ազոխի քարանձավ այցելած եվրոպացի գիտնականներին

Ադրբեջանական APA գործակալությունը, հղում կատարելով Ադրբեջանի ԱԳՆ մամուլի ծառայության ղեկավար Հիքմեթ Հաջիևին, հայտնում է, որ Ադրբեջանի ԱԳՆ-ն իր «անցանկալի անձանց» ցուցակում է ներառել Արցախի Հադրութի շրջանում գտնվող «Ազոխի քարանձավ» պետական բնապատմական արգելոց այցելած եվրոպացի գիտնականների անունները։

Նշվում է, որ նրանց թվում են քարանձավի տարածքում հետազոտություններ իրականացնող Իսպանիայի բնական գիտությունների ազգային թանգարանի աշխատակից Իոլանդա Ֆերնանդեսը (Dr. Yolanda Fernandez-Jalvo, Museo Nacional de Ciencias Naturales), Մեծ Բրիտանիայի Բլենֆորդի թանգարանի աշխատակից Տանիա Քինգը (Dr. Tania King) Մեծ Բրիտանիայի բնական պատմության թանգարանի աշխատակից Փեթեր Էնդրյուսը (Dr. Peter Andrews, Natural History Museum, London)։