Դատարանը Ուլյուկաևին արգելել է դուրս գալ տանից և շփվել մամուլի ներկայացուցիչների հետ
Մոսկվայի քաղաքային դատարանն այսօր մերժել է կաշառք վերցնելու մեջ մեղադրվող ՌԴ տնտեսական զարգացման նախկին նախարար Ալեքսեյ Ուլյուկաևի պաշտպանության բողոքը, որը խնդրում էր թույլ տալ նրան օրը երկու անգամ զբոսանք կատարել, ինչպես նաև շփվել մամուլի ներկայացուցիչների հետ։ Այս մասին հայտնում է RIA Novosti-ն։
Դատարանը օրինական է ճանաչել նաև նաև նրա կալանավորումը։
Ալեքսեյ Ուլյուկաևի պաշտպանությունն ավելի վաղ բողոքարկել էր նաև նրա նկատմամբ սահմանված տնային կալանքը, որը ևս մերժվել էր։
Հիշեցնենք, որ նոյեմբերի 15-ին Ուլյուկաևի նկատմամբ քրեական գործ էր հարուցվել՝ կաշառք վերցնելու մեղադրանքով։ Ուլյուկաևը չի ընդունում իր մեղքն ու տեղի ունեցածն անվանում է սադրանք։
