«Իսրայելի հետ հարաբերությունների կարգավորումը կարևոր է ողջ տարածաշրջանի համար». Էրդողան
Թուրքիայի և Իսրայելի նախագահներ Ռեջեփ Էրդողանն ու Ռեուվեն Ռիվլինը հեռախոսազրույց են ունեցել, որի ընթացքում քննարկել են օրինագիծը, որը արգելում է ազանը բարձրախոսի միջոցով հնչեցնել Իսրայելում, հայտնում է «Անադոլու» գործակալությունը։
Իսրակելի կառավարության մամուլի ծառայության հաղորդագրության համաձայն՝ զրուցյոի ընթացքում Էրդողանը հետաքրքրվել է օրինագծով։
Իսրայելի նախագահը հայտարարել է, որ Իսրայելում ապահովվելու է դավանանքի ազատությունը բոլոր կրոնների ներկայացուցիչների, այդ թվում՝ մուսուլմանների, քրիստոնյաների ու հուդայականության հետևորդների համար։
Էրդողանը ասել է, թե թուրք-իսրայելական հարաբերությունների կարգավորումը շատ կարևոր է ողջ տարածաշրջանի համար։
Նա հույս է հայտնել, թե երկու երկրների էներգետիկայի նախարարությունները համատեղ գազային նախագծեր կյանքի կկոչեն։
